മൊഗ്രാൽ.കൊപ്പളം അണ്ടർ പാസേജ്- തീരദേശ ലിങ്ക് റോഡ് ഈ വർഷത്തോടെ കോൺക്രീറ്റ് ചെയ്തു ഗതാഗതയോഗ്യമാക്കാനാവുമെന്ന് വാർഡ് മെമ്പർ കൗലത്ത് ബീവി അറിയിച്ചു.
കുമ്പള പഞ്ചായത്ത് 2023-24 വർഷത്തെ തനത് ഫണ്ട് ഉപയോഗപ്പെടുത്തിയായിരിക്കും പ്രവൃത്തി പൂർത്തീകരിക്കുക. തകർന്ന തീരദേശ പുഴയോര ലിങ്ക് റോഡ് ഇതിനകം നാല് ലക്ഷം രൂപ ചെലവിൽ കോൺക്രീറ്റ് ചെയ്ത് ഗതാഗതയോഗ്യമാക്കിയിട്ടുണ്ട്. ഈ വർഷത്തെ വാർഷിക പദ്ധതിയിൽ 8 ലക്ഷം രൂപയുടെ പ്രവൃത്തി ഉടൻ ആരംഭിക്കും.
കൊപ്പളം അണ്ടർ പാസേജ് തുറന്നു കൊടുത്തതിനുശേഷം ലിങ്ക് റോഡ് തകർന്നുകിടക്കുന്നത് കാരണം വാഹനങ്ങൾക്ക് കടന്നു പോകാൻ പറ്റാത്ത സ്ഥിതിയായിരുന്നു.
ഇത് ഏറെ വിമർശനങ്ങൾക്ക് വഴി വെച്ചു.പിന്നീട് റോഡ് മണ്ണിട്ട് നിരപ്പാക്കുകയായിരുന്നു.
ഒറ്റത്തവണ പ്രവൃത്തി പൂർത്തീകരിക്കാൻ വലിയ തുക വേണ്ടി വരുമെന്നതിനാൽ ഘട്ടം ഘട്ടമായി കോൺഗ്രീറ്റ് ചെയ്ത് നവീകരിക്കാനാണ് ഉദേശം.
