പെര്ള ബാഡൂര് പജ്ജാനയിലെ സില്വര് സ്റ്റാര് ക്രാസ്റ്റ- നെറ്റാലിയ ഡിസൂസ ദമ്പതികളുടെ മകന് ഐവന് ക്രാസ്റ്റ (23)യാണ് മരിച്ചത്. തൊക്കോട്ട് കോളജിലെ ബി.എസ്.സി വിദ്യാര്ത്ഥിയായിരുന്നു. ആറിന് ഭക്ഷണം കഴിച്ച ശേഷം ഉറങ്ങാന് കിടന്ന ഐവന് ക്രാസ്റ്റയെ പിറ്റേന്ന് രാവിലെ കിടപ്പുമുറിയില് കണ്ടില്ല. ചില ദിവസങ്ങളില് അതിരാവിലെ തന്നെ കോളജില് പോകാറുണ്ടായിരുന്നതിനാല് ഐവന് എവിടെ പോയെന്ന് വീട്ടുകാര് അന്വേഷിച്ചിരുന്നില്ല. വൈകുന്നേരമായിട്ടും കാണാതിരുന്നതോടെ വീട്ടുകാര് അന്വേഷണമാരംഭിച്ചു. ചൊവ്വാഴ്ച രാത്രി 11 ഓടെ ഐവനെ വീടിന് സമീപത്തെ കിണറ്റില് മരിച്ച നിലയില് കണ്ടെത്തിയത്. പിന്നീട് നടത്തിയ പരിശോധനയില് ഐവന്റെ ആത്മഹത്യാകുറിപ്പ് കണ്ടെത്തി. എന്റെ മരണത്തിന് ഞാന് തന്നെയാണ് ഉത്തരവാദി, മറ്റാരുമല്ല എന്നാണ് കുറിപ്പിലുണ്ടായിരുന്നത്. മരണകാരണം വ്യക്തമല്ല. ബദിയടുക്ക പൊലിസ് ഇന്ക്വസ്റ്റ് നടത്തി.
മല്വിന് ക്രാസ്റ്റ ഏക സഹോദരനാണ്.
