മുംബൈ.ഭീകരാക്രമണത്തിന് സാധ്യതയുണ്ടെന്ന രഹസ്യാന്വേഷണ വിഭാഗം റിപ്പോർട്ടിൻ്റെ അടിസ്ഥാനത്തിൽ
മുംബൈയിൽ ജനുവരി 18 വരെ 144 ഏർപ്പെടുത്തി.
2023 ഡിസംബർ 20 മുതൽ ജനുവരി 18 വരെയാണ് മുംബൈ പൊലിസ് പ്രതിരോധ ഉത്തരവുകൾ ഏർപ്പെടുത്തിയത്.
ഡ്രോണുകൾ, റിമോട്ട് നിയന്ത്രിത മൈക്രോ ലൈറ്റ് എയർക്രാഫ്റ്റുകൾ, പാരാ ഗ്ലൈഡറുകൾ തുടങ്ങിയവ ഭീകരർ/ദേശവിരുദ്ധ ഘടകങ്ങൾ ഉപയോഗിക്കാനുള്ള സാധ്യത കണക്കിലെടുത്താണ് പ്രതിരോധ നിർദേശം ആവശ്യമായി വന്നതെന്ന് പൊലിസ് വിശദീകരിച്ചു. ന്യൂ ഇയർ ആഘോഷങ്ങളെ ബാധിക്കില്ല.
നാലോ അതികൂടുതലോ ആളുകൾ ഒത്തുകൂടുന്നത് നിരോധിച്ചുകൊണ്ടാണ് ഉത്തരവ്. മുംബൈ പൊലിസിന്റെ വ്യോമ നിരീക്ഷണമോ ഡെപ്യൂട്ടി പൊലിസ് കമ്മീഷണറുടെ രേഖാമൂലമുള്ള പ്രത്യേക അനുമതിയോ ഒഴികെ, ഡ്രോണുകൾ, റിമോട്ട് നിയന്ത്രിത മൈക്രോ-ലൈറ്റ് എയർക്രാഫ്റ്റുകൾ, പാരാ-ഗ്ലൈഡറുകൾ, പാരാ മോട്ടോറുകൾ, ഹാൻഡ് ഗ്ലൈഡറുകൾ, ഹോട്ട് എയർ ബലൂണുകൾ മുതലായവയുടെ പറക്കൽ നിരോധിച്ചിരിക്കുന്നു. ഉത്തരവ് ലംഘിക്കുന്നവർക്ക് ഇന്ത്യൻ ശിക്ഷാനിയമത്തിലെ 188-ാം വകുപ്പ് പ്രകാരം ശിക്ഷ ലഭിക്കുമെന്ന് പൊലിസ് മുന്നറിയിപ്പ് നൽകി.
