കൊല്ലം.ആറു വയസുകാരിയെ തട്ടിക്കൊണ്ടുപോയ സംഭവത്തിൽ
ഒരാൾ കസ്റ്റഡിയിൽ. കാറുകൾ വാടകയ്ക്ക് നൽകുന്ന സംഘത്തിലെ ആളാണ് കസ്റ്റഡിയിലുള്ളത്.
പൊലിസിന്റെ ഏത് അന്വേഷണത്തെയും നേരിടാന് തയ്യാറെന്ന് ആറുവയസുകാരിയുടെ അച്ഛന് മാധ്യമങ്ങളോട് പറഞ്ഞു. അന്വേഷണസംഘം വിളിപ്പിച്ചിട്ടുണ്ട്. അവരുടെ മുമ്പാകെ ഹാജരാകും. തന്റെ പഴയ ഫോണ് ആണ് കൊണ്ടുപോയത്. കുട്ടികള് കളിക്കുന്നത് കൊണ്ട് ഭാര്യ പറഞ്ഞതുകൊണ്ടാണ് ഫോണ് മാറ്റിവച്ചത്. അവര്ക്ക് എന്ത് തരത്തിലുള്ള പരിശോധനയും നടത്താമെന്നും പിതാവ് പറഞ്ഞു.
ചില മാധ്യമങ്ങള് തന്നെ ചേര്ത്ത് വ്യാജ വാര്ത്ത പ്രചരിപ്പിക്കുകയാണ്. തന്നെ അറിയുന്ന ആരോടും ചോദിക്കാം. ആര്ക്കും ഒരു രൂപ പോലും താന് കൊടുക്കാനില്ല. ജോലി സ്ഥലത്തും അന്വേഷിക്കാം. ആര്ക്കും തന്നെക്കുറിച്ച് ഒരു പരാതിയുമുണ്ടാകില്ല. ആറുവയസുള്ള തന്റെ കുഞ്ഞിന്റെ പേരില് അനാവശ്യ പ്രചാരണം നടത്തരുതെന്നും അദ്ദേഹം പറഞ്ഞു
