തിരുവനന്തപുരം. സംസ്ഥാന സർക്കാരിൻ്റെ 2024-2025 സാമ്പത്തിക വര്ഷത്തെ ബജറ്റ് ഫെബ്രുവരി അഞ്ചിന് ധനമന്ത്രി കെഎന് ബാലഗോപാൽ അവതരിപ്പിക്കും.
സാമ്പത്തിക അവലോകന റിപ്പോര്ട്ട് ഫെബ്രുവരി നാലിന് നിയമസഭയുടെ മേശപ്പുറത്ത് വെക്കും. ജനുവരി 25 ന് ഗവര്ണറുടെ നയപ്രഖ്യാപന പ്രസംഗത്തോടെ ആരംഭിക്കുന്ന നിയമസഭാ സമ്മേളനം മാര്ച്ച് 27 വരെ നീളുമെന്നും നിയമസഭാ സെക്രട്ടറി അറിയിച്ചു.
ജനുവരി 29 മുതല് ജനുവരി 31 വരെ ഗവര്ണറുടെ നയപ്രഖ്യാപന പ്രസംഗത്തിന് മേലുള്ള ചര്ച്ചയാവും. പിന്നീട് ഫെബ്രുവരി ഒന്നിന് ആരംഭിക്കുന്ന സമ്മേളനത്തില് ബജറ്റ് അവതരണത്തിന് ശേഷം ഫെബ്രുവരി 12 ന് വീണ്ടും ചേരും. 14 വരെ ബജറ്റിന് മേലുള്ള ചര്ച്ച നടക്കും. ഫെബ്രുവരി 15 മുതല് 25 വരെ സഭ സമ്മേളിക്കില്ല. ഫെബ്രുവരി 26 മുതല് ബജറ്റ് മേലുള്ള വോട്ടെടുപ്പടക്കം നടപടികള് തുടരും. മാര്ച്ച് ഒന്ന് മുതല് 27 വരെയുള്ള ദിവസങ്ങളില് നിയമസഭയില് വിവിധ ബില്ലുകള് അവതരിപ്പിക്കും.
