ന്യൂഡല്ഹി. വധ ശിക്ഷക്ക് വിധിക്കപ്പെട്ട് ഖത്തറില് ജയിലിൽ കയുന്ന മുന് ഇന്ത്യൻ നാവിക സേനാ ഉദ്യോഗസ്ഥര്ക്ക് കോടതി വിധിക്കെതിരെ അപ്പീല് നല്കാന് 60 ദിവസം അനുവദിച്ചിരിക്കുന്നതായി
കേന്ദ്ര സര്ക്കാര് അറിയിച്ചു. . ഇവരുടെ വധശിക്ഷ റദ്ദാക്കിയ ഖത്തര് കോടതി, പല കാലയളവിലേക്കുള്ള ജയില് ശിക്ഷയാണ് വിധിച്ചിരിക്കുന്നതെന്നും ഇതിനെതിരെ ഉയര്ന്ന കോടതിയെ സമീപിക്കാന് 60 ദിവസം നല്കിയതായും വിദേശകാര്യ മന്ത്രാലയം അറിയിച്ചു.
ഒക്ടോബറിലാണ് ഖത്തറിലെ വിചാരണ കോടതി നാവിക സേനാ ഉദ്യോഗസ്ഥരടക്കം എട്ട് പേര്ക്ക് വധശിക്ഷ വിധിച്ചത്. ശിക്ഷിക്കപ്പെട്ട മുന് നാവികരുടെ കുടുംബം നല്കിയ അപ്പീല് പരിഗണിച്ച് ഡിസംബര് 28ന് അപ്പീല് കോടതി വധശിക്ഷ റദ്ദാക്കി. പകരം ഓരോത്തര്ക്കും വ്യത്യസ്ത കാലയളവിലുള്ള ജയില് ശിക്ഷയാണ് വിധിച്ചിരിക്കുന്നത്. ഇന്ത്യന് പൗരന്മാര്ക്കെതിരായ ശിക്ഷാ വിധിയുടെ പകര്പ്പ് അവരുടെ അഭിഭാഷക സംഘത്തിന് ലഭിച്ചതായി വ്യാഴാഴ്ച കേന്ദ്ര വിദേശകാര്യ മന്ത്രാലയ വക്താവ് രണ്ധിര് ജെയ്സ്വാള് പറഞ്ഞു. ഇത് പുറത്ത് വിടാനാകില്ലെന്ന് അദ്ദേഹം വ്യക്തമാക്കി.
