കുമ്പള. മൊഗ്രാൽ കൊപ്പളം നിവാസികളോട് റെയിൽവേയുടെ ക്രൂരത.
യാതൊരു മുന്നറിയിപ്പുമില്ലാതെ കൊപ്പളം പ്രദേശത്തേക്കും, വലിയ ജുമാ മസ്ജിദിലേക്കുള്ള വഴി റെയിൽവേ അധികൃതർ അടച്ചു.
പ്രതിഷേധവുമായി നാട്ടുകാർ രംഗത്തെത്തി.
മൊഗ്രാൽ പടിഞ്ഞാറ് പ്രദേശത്തുള്ള നൂറുകണക്കിന് വിദ്യാർത്ഥികൾ റെയിൽപ്പാലം മുറിച്ചുകടന്നാണ് ജുമാ മസ്ജിദ് റോഡ് വഴി സ്കൂളിലേക്ക് പോകുന്നതും, തിരിച്ച് വരുന്നതും.അതുപോലെ വലിയ ജുമാമസ്ജിദിലേക്ക് പ്രാർത്ഥനയ്ക്കായി എത്തുന്നതും, മൃതദേഹം കൊണ്ടുപോയിരുന്നതും റെയിൽപ്പാളം മുറിച്ചുകടന്നാണ്. വർഷങ്ങളായി ഉപയോഗിച്ചിരുന്ന വഴിയാണ് ഇപ്പോൾ റെയിൽവേ അധികൃതർ മുന്നറിയിപ്പ് കൂടാതെ വ്യാഴാഴ്ച രാവിലെ അടച്ചിരിക്കുന്നത്.
പ്രശ്നത്തിൽ ജനപ്രതിനിധികളുടെ അടിയന്തിര ഇടപെടൽ ഉണ്ടാകണമെന്നാണ് നാട്ടുകാരുടെ ആവശ്യം.
