കുമ്പള.ലോകം ടെക്നോളജി കീഴടക്കിയ പുതിയ കാലത്ത് വായനയുടെ പ്രസക്തി അനുദിനം വർധിച്ചു വരുന്നതായും, നമ്മുടെ ജീവിതത്തിൽ വായന അത്രമേൽ സ്വാധീനം ചെലുത്തുന്നതായും
രാജ് മോഹൻ ഉണ്ണിത്താൻ എം.പി അഭിപ്രായപ്പെട്ടു.
ലോകം എത്ര മാറിയാലും വായനയുടെ പ്രാധാന്യം ഒട്ടും കുറയുന്നില്ല,
ഓരോ കാലത്തെയും സാഹചര്യങ്ങൾക്കനുസരിച്ച് വായനയുടെ രീതികൾ മാറുന്നു എന്നതാണ് വസ്തുത.
കേരളത്തിലെ ഗ്രന്ഥശാല പ്രസ്ഥാനത്തിന് പി.എൻ പണിക്കർ നടത്തിയ ത്യാഗപൂർണമായ പ്രവർത്തനവും അദ്ദേഹത്തിന് അന്ന് വകുപ്പ് മന്ത്രിയെന്ന നിലയിൽ സി.എച്ച് മുഹമ്മദ് മികച്ച പിന്തുണ നൽകിയിരുന്നതായും എം.പി പറഞ്ഞു.
വായനയെ പ്രോത്സാഹിപ്പിക്കുന്നതിൽ ഗ്രന്ഥാല പ്രവർത്തകർ നടത്തുന്ന പ്രവർത്തനത്തെ അഭിനന്ദിക്കുന്നതായും അദ്ദേഹം കൂട്ടിച്ചേർത്തു.
എം.എൽ.എ എസ്.ഡി.എഫ് 2023- 2024 വർഷത്തെ പദ്ധതിയിൽ ഉൾപ്പെടുത്തി മഞ്ചേശ്വരം മണ്ഡലത്തിലെ വിവിധ സ്കൂളുകൾക്കുള്ള ലാപ്പ് ടോപ് വിതരണവും ലൈബ്രറികൾക്കുള്ള പുസ്തക വിതരണവും കുമ്പള ഗവ.ഹയർ സെക്കൻഡറി സ്കൂളിൽ ഉദ്ഘാടനം ചെയ്ത് സംസാരിക്കുകയയിരുന്നു എം.പി.
എ.കെ.എം അഷ്റഫ് എം.എൽ.എ അധ്യഷത വഹിച്ചു.
പി.ടി.എ പ്രസിഡൻ്റ് എ.കെ ആരിഫ് സ്വാഗതം പറഞ്ഞു.
കുമ്പള പഞ്ചായത്ത് യു.പി താഹിറ യൂസുഫ്, കാസർകോട് ബ്ലോക്ക് പഞ്ചായത്ത് സ്ഥിരം സമിതി അധ്യക്ഷൻ അഷ്റഫ് കർള, ബി.എ റഹ്മാൻ ആരിക്കാടി, യൂസുഫ് ഉളുവാർ, ഡി.ഇ.ഒ ദിനേശ, പ്രിൻസിപ്പൽ രവി, സാഹിത്യ കാരൻ കെ.എം അബ്ബാസ്, പി.കെ. അഹ്മദ് ഹുസൈൻ, അസീസ് മെരിക്കെ, അബ്ദുൽ കാദർ വിൽറോഡി, ബി.എൻ. മുഹമ്മദലി, അഷ്റഫ് കൊടിയമ്മ, അഹമദലി കുമ്പള, മൊയ്തീൻ അസീസ്, കെ.വി യൂസുഫ് സംസാരിച്ചു.
