ഉപ്പള. മഞ്ചേശ്വരം നിയോജക മണ്ഡലത്തിലെ രണ്ട് പ്രവൃത്തികൾക്ക് എം.എൽ.എ ആസ്തി വികസന സ്കീമിൽ നിന്നും 40 ലക്ഷം രൂപ വകയിരുത്തിയും രണ്ട് പ്രവൃത്തികൾക്ക് പ്രത്യേക വികസന നിധിയിൽ നിന്ന് 10 ലക്ഷം രൂപ വകയിരുത്തിയും ഭരണാനുമതി ലഭിച്ചതായി എ. കെ.എം അഷ്റഫ് എം.എൽ 'എ അറിയിച്ചു. പുത്തിഗെ പഞ്ചായത്തിലെ
അംഗഡിമൊഗർ ഗവ. ഹയർ സെക്കൻഡറി സ്കൂളിൻ്റെ മുറ്റം ഇൻ്റർലോക് പാകാൻ 20 ലക്ഷം, കുമ്പള പഞ്ചായത്തിലെ അമ്പിലടുക്ക - കെ.ഡബ്ല്യൂ.എ റോഡ് കോൺഗ്രീറ്റ് 20 ലക്ഷം , മീഞ്ച പഞ്ചായത്തിലെ ദൈഗോളി ജുമാ മസ്ജിദ് റോഡ് 5 ലക്ഷം , പുത്തിഗെ പഞ്ചായത്തിലെ പെർളാടം മസ്ജിദ് റോഡ് 5 ലക്ഷം എന്നീ പ്രവൃത്തികൾക്കാണ് ഭരണാനുമതി ലഭിച്ചിട്ടുള്ളത്. ടെണ്ടർ നടപടികൾ പൂർത്തീകരിച്ച് പ്രവൃത്തികൾ തുടങ്ങുന്നതിന് ബന്ധപ്പെട്ട ഉദ്യോഗസ്ഥർക്ക് നിർദ്ദേശം നൽകിയതായി എം.എൽ.എ അറിയിച്ചു.
