മംഗൽപാടി പഞ്ചായത്തിലെ ഇച്ചിലങ്കോട് കുമ്പള പഞ്ചായത്തിലെ ബംബ്രാണ എന്നീ പ്രദേശങ്ങളെ ബന്ധിപ്പിച്ചാണ് റെഗുലേറ്റർ കം ബ്രിഡ്ജ് നിർമിക്കുന്നത്
ആർ.ഐ.ഡി.എഫിൽ ഉൾപ്പെടുത്തി നബാർഡിൽ നിന്നാണ് ഫണ്ട് ലഭ്യമാക്കിയത്.
31 കോടി രൂപക്ക് ടെണ്ടർ നടപടികൾ പൂർത്തിയായി. പ്രവൃത്തിയുടെ പ്രാരംഭ നടപടികൾ തുടങ്ങി.
ദേശീയപാത തലപ്പാടി-ചെങ്കള പ്രവൃത്തി ഏറ്റെടുത്ത് നടത്തുന്ന വടകര ആസ്ഥാനമായി പ്രവർത്തിക്കുന്ന ഊരാലുങ്കൽ ലേബർ കോൺട്രാക്റ്റ് കോ. ഒപ്പററ്റീവ് സൊസൈറ്റിക്കാണ് കരാർ
പദ്ധതി യാഥാർഥ്യമാകുന്നതോടെ കാലങ്ങളായുള്ള ഇരു പ്രദേശത്തുകാരുടെയും സ്വപ്നമാണ് ഇതോടെ പൂവണിയുന്നത്.
കാലഹരണപ്പെട്ട നിലവിലെ അണക്കെട്ടിന് മുകളിലായാണ് 118 മീറ്റർ നീളത്തിൽ ഉപ്പുവെള്ള പ്രതിരോധ അണക്കെട്ടും പാലവും നിർമിക്കുന്നത്. കുമ്പള,മംഗൽപാടി പഞ്ചായത്തുകളിലെ ആയിരം ഹെക്ടർ കൃഷി ഭൂമി പരിപാലിക്കാനും പദ്ധതികൊണ്ട് ലക്ഷ്യമിടുന്നു.
പരിസരപ്രദേശങ്ങളുടെ ഭൂഗർഭജലനിരപ്പ് ഉയർത്താനും പ്രാദേശത്തെ കുടിവെള്ള ലഭ്യത ഉറപ്പ് വരുത്താനും സഹായിക്കും.
11മീറ്റർ വീതിയിലായിരിക്കും പാലത്തിൻ്റെ നിർമാണം. 7.5മീറ്റർ വീതിയിൽ വാഹന ഗതാഗതത്തിനും ഇരുവശങ്ങളായിലായി 1.75മീറ്റർ വീതിയിൽ കാൽനട യാത്രക്കാർക്ക് നടപ്പാതയും ഉണ്ടാവും.
ഇരു പഞ്ചായത്തുകളിലെ ഇച്ചിലങ്കോട്,പച്ചമ്പള,അടുക്ക,
കൽപാറ ബംബ്രാണ,ഊജാർ,ഉളുവാർ മേഖലകളിലെ നാട്ടുകാരുടെ കൃഷിക്കും കുടിവെള്ളത്തിനും പുഴയ്ക്ക് കുറുകെയുള്ള വാഹന ഗതാഗതത്തിനുമായുള്ള ഏറെക്കാലത്തെ ആവശ്യമാണ് യഥാർഥ്യമാകുന്നത്.
