തച്ചങ്ങാട് സ്കൂളിനും നാടിനും അഭിമാനമായി ശ്രീഹരി വി. സജിത്ത്

ബേക്കൽ.കാഞ്ഞങ്ങാട് ദുർഗ്ഗാ ഹയർസെക്കൻഡറി സ്കൂളിൽ  നടന്ന കാസർകോട് ജില്ലാ സ്കൂൾ ഗെയിംസ് ജൂഡോ ചാമ്പ്യൻഷിപ്പിൽ മുപ്പത് കിലോ വിഭാഗത്തിൽ തച്ചങ്ങാട് ഗവ. ഹൈസ്കൂളിലെ ഏഴാം ക്ലാസ് വിദ്യാർത്ഥി ശ്രീഹരി.വി സജിത്ത് ഒന്നാം സ്ഥാനം നേടി ഗോൾഡ് മെഡലിനു അർഹനായി .  നവംബർ അഞ്ചിനു കണ്ണൂരിൽ  നടക്കുന്ന സംസ്ഥാന ജൂഡോ ചാമ്പ്യൻഷിപ്പിൽ കാസർകോട് ജില്ലയെ പ്രതിനിധീകരിച്ച് ശ്രീഹരി മത്സരിക്കും. തച്ചങ്ങാട് കോട്ടപ്പാറ ശ്രീനിധിയിൽ

സജിത്ത് ആലക്കോടൻ്റെയും           

രമ്യാ സജിത്തിൻ്റെയും മകനാണ്.  വിജിത്ത് കെ.വി പെരിയ, അനുകൃഷ്ണ എന്നിവരാണ് ശ്രീഹരിയുടെ പരിശീലകർ.