നാലിന് വൈകിട്ട് 4 മണിക്ക് വിളംമ്പര റാലി സംഘടിപ്പിക്കും. ചളിയങ്കോട് മദ്റസ പരിസരത്തുനിന്ന് ആരംഭിച്ച് കൊപ്പളം സിറാജുൽ ഉലൂം മദ്റസ പരിസരത്ത് സമാപിക്കും. തുടർന്ന് അറബി ഹാജി തങ്ങൾ മഖാം
പരിസരത്ത് പ്രാർത്ഥന നടത്തും. മൊഗ്രാൽ കടപ്പുറം വലിയ ജുമാ മസ്ജിദ് ഖത്തീബ് റഹ്മത്തുള്ള മദനി നേതൃത്വം നൽകും. തുടർന്ന് സ്വാഗതസംഘം ചെയർമാൻ പതാക ഉയർത്തും.
വൈകിട്ട് 5.30ന് നടക്കുന്ന ഉദ്ഘാടന ചടങ്ങ് സമസ്ത ഉപാധ്യക്ഷൻ യുഎം അബ്ദുൽ റഹ്മാൻ മൗലവി ഉദ്ഘാടനം ചെയ്യും. സയ്യിദ് ഹാദി തങ്ങൾ പ്രാർത്ഥനയ്ക്ക് നേതൃത്വം നൽകും. കെ.എൽ അബ്ദുൽ ഖാദർ അൽഖാസിമി അധ്യക്ഷനാകും. മൊഗ്രാലിലെ വിവിധ ജുമാമസ്ജിദ് ഖത്തീബുമാരായ അബ്ദുസ്സലാം വാഫി, ഉമ്മർ ഹുദവി, ജബ്ബാർ അഷ്റഫി, അഷ്റഫ് ഫൈസി ചളിയങ്കോട്, സമസ്ത മുഫത്തിസ് പി അബ്ദുല്ല കുഞ്ഞി ഫൈസി എന്നിവർ സംസാരിക്കും.
രണ്ടാം ദിവസം രാവിലെ റെയ്ഞ്ചിലെ ഇരുപത്തിയഞ്ചോളം വരുന്ന മദ്റസകളിലെ വിദ്യാർത്ഥികൾ അണിനിരക്കുന്ന ഇസ് ലാമിക കലാസാഹിത്യമത്സരങ്ങൾക്ക് തുടക്കമാവും. സമാപന സംഗമം എ.കെ.എം അഷ്റഫ് എം.എൽ.എ ഉദ്ഘാടനം ചെയ്യും. മൊഗ്രാൽ വലിയ ജുമാ മസ്ജിദ് പ്രസിഡൻ്റ് കെ.എം അബ്ദുള്ള അധ്യക്ഷനാകും. ഇബ്രാഹിം ഖലീൽ അശാഫി സ്വാഗതം പറയും. സയ്യിദ് ഹംദുള്ളാഹ് തങ്ങൾ പ്രാർത്ഥനയ്ക്ക് നേതൃത്വം നൽകും.
