കൊച്ചി: യഹോവ സാക്ഷികളുടെ പ്രാർത്ഥനാ സമ്മേളനത്തിനിടെയുണ്ടായ ബോംബ് സ്ഫോടനത്തിൽ പൊള്ളലേറ്റ് ചികിത്സയിലായിരുന്ന ഒരാൾ കൂടി മരിച്ചു. മലയാറ്റൂർ കടവൻകുടി വീട്ടിൽ പ്രദീപന്റെ മകൻ പ്രവീൺ പ്രദീപ് (26) ആണ് മരിച്ചത്. പ്രവീണിന്റെ അമ്മ റീന ജോസ് എന്ന സാലിയും സഹോദരി ലിബ്നയും നേരത്തെ മരിച്ചിരുന്നു. ഇതോടെ കളമശേരി സ്ഫോടനത്തിൽ മരിച്ചവരുടെ എണ്ണം ആറായി ഉയർന്നു. വ്യാഴാഴ്ച രാത്രിയോടെയാണ് പ്രവീൺ മരിച്ചത്.ഇതോടെ ഒരു കുടുംബത്തിലെ മൂന്ന് പേരാണ് സ്ഫോടനത്തിൽ കൊല്ലപ്പെട്ടത്.
