അബുദാബി. അബുദാബി മഞ്ചേശ്വരം മണ്ഡലം കെ.എം.സി.സിയുടെ നേതൃത്വത്തിൽ നടപ്പിലാക്കി വരുന്ന ശിഫഹുറഹ്മാ കാരുണ്യ ഹസ്തം പദ്ധതിയുടെ യോഗം കമ്പാല ഹൗസിൽ ചേർന്നു.
കഴിഞ്ഞ അഞ്ച് വർഷത്തോളമായി തുടരുന്ന കാരുണ്യ ഹസ്തം പദ്ധതിയുടെ ഭാഗമായി ഒക്ടോബർ മാസത്തെ ചികിത്സാ ധന സഹായം മണ്ഡലത്തിലെ അഞ്ച് പഞ്ചായത്തുകളിലെ മൂന്ന് കാൻസർ രോഗികൾക്കും രണ്ട് കിഡ്നി രോഗികൾക്കുമായി തുക അനുവദിച്ചു.
പുത്തിഗെ, മീഞ്ച, മംഗൽപ്പാടി പഞ്ചായത്തുകളിലെ കാൻസർ രോഗികൾക്കും, കുമ്പള, വോർക്കാടി പഞ്ചായത്തിലെ കിഡ്നി രോഗികൾക്കുമാണ് ധന സഹായം നൽകിയത്.
മുസ് ലിം ലീഗ് പഞ്ചായത്ത് കമ്മിറ്റികൾ മുഖാന്തിരം ലഭിക്കുന്ന അപേക്ഷയിന്മേലാണ് തുക അനുവദിക്കുന്നത്. ഓരോ രോഗികൾക്കും അനുവദിക്കുന്ന പതിനായിരം രൂപ അതാത് പഞ്ചായത്ത് മുസ് ലിം ലീഗ് ഭാരവാഹികൾക്ക് കൈമാറുകയും തുടർന്ന് വാർഡ് കമ്മിറ്റി മുഖാന്തിരം രോഗിക്ക് നേരിട്ട് ഏൽപ്പിക്കുകയും ചെയ്യും. യോഗത്തിൽ അഷ്റഫ് അലി ബസറ പ്രാർത്ഥന നടത്തി. മണ്ഡലം പ്രസിഡന്റ് അസിസ് പെർമുദെ സാഹിബ് അധ്യക്ഷനായി.ജില്ലാ ട്രഷറർ ഉമ്പു ഹാജി പെർള ഉദ്ഘാടനം ചെയ്തു.ജില്ലാ സെക്രട്ടറി അഷ്റഫ് ഉളുവാർ ,റസാഖ് നൽക, നിസാർ ഹൊസങ്കടി,ഫാറൂഖ് സിതാങ്കോളി,സുനൈഫ് പേരാൽ,ഇബ്രാഹിം ജാറ,ഹമീദ് മാസിമാർ , ഇബ്രാഹിം
ഖലീൽ ഗാഡി,യൂസഫ് സെഞ്ച്വറി,അറബി ബഷീർ തുടങ്ങിയവർ സംബന്ധിച്ചു.
രോഗികൾക്കുള്ള ധന സഹായം ശിഫാഹുറഹ്മാ കോ- ഒഡിനേറ്റർ അബ്ദുൽ ലത്തീഫ് ഈറോഡി വ്യവസായി യൂസഫ് സെഞ്ച്വറിക് കൈമാറി.
അബ്ദുൽ ലത്തീഫ് ഈറോഡി സ്വാഗതവും മണ്ഡലം ജനറൽ സെക്രട്ടറി ഷാ ബന്ദിയോട് നന്ദിയും പറഞ്ഞു.
