ബദിയടുക്ക പഞ്ചായത്ത് ഓഫീസില് ജീവനക്കാരുടെ ഒഴിവ് നികത്താത്തതില് പ്രതിഷേധിച്ച് ഭരണസമിതി അംഗങ്ങള് അസി. എൻജിനിയറുടെ ഓഫീസ് താഴിട്ട് പൂട്ടി. നിലവിലുള്ള ജീവനക്കാരെ ഓഫീസിന് അകത്ത് കടക്കാന് അനുവദിച്ചില്ല. എല്.എസ്.ജി.ഡി അസി. എൻജിനിയര് ഇല്ലാതെ പദ്ധതികളുടെ പ്രവര്ത്തനം നടക്കുന്നില്ല. മധൂര് പഞ്ചായത്തിലെ എൻജിനിയർക്കാണ് അധിക ചുമതല. എന്നാല് ഇദ്ധേഹം അവധിയിലുമാണ്. രണ്ട് സീനിയര് ക്ലര്ക്ക്, ഒരു അക്കൗണ്ടന്റ്, വി.ഇ.ഒ എന്നീ തസ്തികകളും ഒഴിഞ്ഞ് കിടക്കുന്നു.
ജീവനക്കാരുടെ ഒഴിവുകൾ നികത്തണമെന്ന ആവശ്യവുമായി നേരത്തെ ഡി.ഡി.പി ഓഫീസിന് മുന്നില് ഭരണ സമിതി അംഗങ്ങള് സമരം നടത്തിയിരുന്നു. യു.ഡി.എഫ്, ബി.ജെ.പി അംഗങ്ങളായിരുന്നു സമരത്തില് പങ്കെടുത്തത്. എല്.ഡി,എഫിലെ മൂന്ന് അംഗങ്ങള് വിട്ടു നിൽക്കുകയായിരുന്നു.
