തിരുവനന്തപുരം. കേരളത്തിന്റെ പ്രത്യേക പ്രതിനിധിയായി ഡൽഹിയിൽ കഴിയുന്ന കെവി തോമസിന് 12.5 ലക്ഷം ഓണറേറിയം അനുവദിച്ച് സര്ക്കാര് ഉത്തരവിറക്കി.
നാല് ഓഫീസ് ജീവനക്കാരുടെ ശമ്പളം ഉള്പ്പെടെയാണ് പണം അനുവദിച്ചിരിക്കുന്നത്.
ട്രഷറി നിയന്ത്രണത്തില് ഇളവ് വരുത്തിയാണ് തുക അനുവദിച്ചത്.
മുന് കേന്ദ്ര ഭക്ഷ്യമന്ത്രി കൂടിയായ പ്രൊഫ കെവി തോമസിന് പ്രതിമാസം ഒരു ലക്ഷം രൂപയാണ് സംസ്ഥാന സര്ക്കാര് ഓണറേറിയം നിശ്ചയിച്ചിരിക്കുന്നത്. ഓണറേറിയത്തിന് പുറമെ മൂന്ന് സ്റ്റാഫുകളെയും ഒരു ഡ്രൈവറെയും ഡല്ഹിയില് പ്രൊഫ കെവി തോമസിനായി നിയമിച്ചിട്ടുണ്ട്. ജൂണ് മാസം വരെ ഓണറേറിയം നേരത്തെ അനുവദിച്ചിരുന്നു. ബാക്കി തുക അനുവദിച്ചാണ് ഇപ്പോള് ഉത്തരവിറങ്ങിയത്.
2023 ജനുവരി 18നാണ് ഡല്ഹിയിലെ കേരളത്തിന്റെ പ്രത്യേക പ്രതിനിധി സ്ഥാനം സംസ്ഥാന സര്ക്കാര് നല്കിയത്.
