പോർട്ട് ബ്ലെയർ.ബംഗ്ലാദേശിൽ നിന്ന് 142 റോഹിങ്ക്യൻ അഭയാർഥികളുമായി ഇന്തോനേഷ്യയിലേക്കു പുറപ്പെട്ട ബോട്ട് ആൻഡമാനിൽ തീരസുരക്ഷാ സേന പിടികൂടി.
ബംഗ്ലാദേശിൽനിന്നും രണ്ടാഴ്ച മുമ്പായിരുന്നു റോഹിങ്ക്യൻ അഭയാർത്ഥികളുമായി ബോട്ട്
യാത്ര തിരിച്ചത്.ഞായറാഴ്ച രാവിലെ ഷഹീദ് ദ്വീപിനു സമീപം കടലിൽ പരിശോധന നടത്തുകയായിരുന്ന മറൈൻ പൊലിസ് സേനയാണ് ബോട്ട് പിടികൂടിയത്. ബോട്ടിലുണ്ടായിരുന്നവരെ പോർട്ട് ബ്ലെയറിലെത്തിച്ചു. കേന്ദ്ര സർക്കാരിൽനിന്നു നിർദേശമുണ്ടാകും വരെ ഇവരെ ഇവിടെ പാർപ്പിക്കും. 47 സ്ത്രീകളും 59 പ്രായമാവരും 36 കുട്ടികളുമാണ് ബോട്ടിൽ ഉണ്ടായിരുന്നത്.
