പുതുക്കോട്ട.തമിഴ്നാട് പുതുക്കോട്ടക്കടുത്ത് ചായക്കടയിലേക്ക് ലോറി പാഞ്ഞുകയറി അഞ്ച് ശബരിമല തീര്ത്ഥാടകര് മരിച്ചു.
19 പേർക്ക് പരുക്കേറ്റു.
ചായക്കടയില് ചായ കുടിച്ചുകൊണ്ടിരുന്നവരും വാഹനത്തിലുണ്ടായിരുന്നവരുമാണ് അപകടത്തിനിരയായത്. അഞ്ച് പേര് സംഭവസ്ഥലത്ത് തന്നെ മരിച്ചതായാണ് വിവരം. ഇവരില് ഒരു സ്ത്രീയും ഉള്പ്പെടുന്നു.
തിരുവള്ളൂര് സ്വദേശികളാണ് അപകടത്തില് മരിച്ചവരെന്നാണ് വിവരം. മൂന്ന് വാഹനങ്ങളിലായി സഞ്ചരിച്ച തീര്ത്ഥാടകരാണ് അപകടത്തില് പെട്ടത്. മൃതദേഹങ്ങള് ആശുപത്രിയിലേക്ക് മാറ്റി. പരുക്കേറ്റവര് ചികിത്സയിലാണ്.
നമനസമുദ്രത്തിലെ പൊലിസ് സ്റ്റേഷന് സമീപത്തെ ചായക്കടയില് ചായകുടിക്കാന് വണ്ടി നിര്ത്തിയപ്പോഴാണ് അപകടമുണ്ടായത്.
പുതുക്കോട്ടയില് നിന്ന് അരിയാലൂരിലേക്ക് പോവുകയായിരുന്ന സിമന്റ് ലോറിയാണ് നിയന്ത്രണം വിട്ട് ചായക്കടയിലേക്ക് ഇടിച്ചു കയറിയത്. സമീപത്ത് നിര്ത്തിയിട്ടിരുന്ന അയ്യപ്പ ഭക്തരുടെ കാറിലും വാനിലും ലോറി ഇടിച്ചുകയറി. ചായക്കടയില് ചായ കുടിച്ചുകൊണ്ടിരുന്ന അഞ്ച് പേര് സംഭവസ്ഥലത്തുവച്ച് തന്നെ മരിച്ചു.
