കൊച്ചി.കേരളത്തെ ഞെട്ടിച്ച വൈഗ കൊലക്കേസില് പിതാവ് സനുമോഹന് കുറ്റക്കാരനാണെന്ന് കോടതി കണ്ടെത്തി.
കൊലപാതകം, തട്ടിക്കൊണ്ടുപോകല്, തടഞ്ഞുവെയ്ക്കല്, ലഹരിക്കടിമയാക്കല്, ബാലനീതി വകുപ്പ് പ്രകാരമുള്ള കുറ്റങ്ങള് തുടങ്ങിയവയാണ് പ്രതിക്കെതിരേ ചുമത്തിയിരുന്നത്.
2021 മാര്ച്ച് 21-ന് മകള് വൈഗയെ ശ്വാസംമുട്ടിച്ച് കൊലപ്പെടുത്തിയശേഷം മുട്ടാര്പുഴയില് മൃതദേഹം ഉപേക്ഷിച്ചെന്ന കേസിലാണ് സനുമോഹനെ കുറ്റക്കാരനാണെന്ന് കണ്ടെത്തിയത്.
2021 മാര്ച്ച് 22-നാണ് മുട്ടാര്പ്പുഴയില് മുങ്ങിമരിച്ച നിലയില് വൈഗയുടെ മൃതദേഹം കണ്ടെത്തുന്നത്. തലേദിവസം രാത്രി സനു മോഹന് ഭാര്യ രമ്യയെ ആലപ്പുഴയിലുള്ള ബന്ധുവീട്ടില് കൊണ്ടാക്കിയ ശേഷം മറ്റൊരു വീട്ടില് പോകുകയാണെന്നു പറഞ്ഞാണ് ഇറങ്ങിയത്. മകളെയും ഒപ്പം കൂട്ടിയായിരുന്നു യാത്ര. രാത്രിയായിട്ടും തിരിച്ചെത്താഞ്ഞതോടെ സംശയം തോന്നി വിളിച്ചുനോക്കിയെങ്കിലും ഫോണ് എടുത്തില്ല. തുടര്ന്ന് പൊലിസ് സ്റ്റേഷനില് പരാതി നല്കി. പിറ്റേദിവസം പെണ്കുട്ടിയുടെ മൃതദേഹം മുട്ടാര്പ്പുഴയില് കണ്ടെത്തുകയായിരുന്നു.
മഹാരാഷ്ട്ര, കർണാടക സംസ്ഥാനങ്ങളിൽ നിന്നും ലഭിച്ചു. 134 തൊണ്ടിമുതലുകളും 34 രേഖകളും തെളിവായി പ്രോസിക്യൂഷൻ കോടതിയിൽ ഹാജരാക്കി. വിചാരണ വേളയിൽ സാക്ഷികളാരും കൂറുമാറാത്തതും പ്രോസിക്യൂഷന് പ്രതീക്ഷ വർധിപ്പിക്കുന്നുണ്ട്. വധശിക്ഷയോ ജീവിതാവസാനം വരെ തടവോ ലഭിക്കുമെന്നാണ് പ്രോസിക്യൂഷന്റെ പ്രതീക്ഷ.
