മുംബൈ.ബോംബൈ കേരള മുസ് ലിം ജമാഅത്ത് പ്ലാറ്റിനം ജൂബിലി ആഘോഷ പരിപാടികൾക്ക് തുടക്കം കുറിച്ച്
കേരള മഹൽ പരിസരത്ത് പതാക ഉയർന്നു.
ഇനി മൂന്ന് നാൾ മുംബൈ മലയാളികൾക്ക് ആഘോഷത്തിൻ്റെ ദിനങ്ങൾ.
പരിപാടിയിൽ പങ്കെടുക്കുന്നതിനായി യു.കെ, യു.എസ്, പോളണ്ട് ജി.സി.സിയടക്കം ലോകമെമ്പാടുമുള്ള പഴയ കാല ജമാഅത്ത് പ്രവർത്തകർ ഇന്നലെ തന്നെ എത്തിയിരുന്നു.
ഇന്ന് മുതൽ മൂന്ന് ദിവസം നീണ്ടു നിൽക്കുന്ന ആഘോഷ പരിപാടികൾ ഖാച്ചി സുന്നി മുസ് ലിം ജമാഅത്ത് ഹാൾ,മുംബൈ ഹജജ് ഹൗസ് എന്നിവിടങ്ങളിലായി നടക്കും.
ഇന്ന് 11 മണിക്ക് ഹജ്ജ് ഹൗസിൽ കുടുംബ സംഗമം നടക്കും.
അബ്ദുസമദ്പൂക്കോട്ടൂർ, ഗോപിനാഥ് മുതുകാട്
നവാസ് പാലേരി, അബൂട്ടി മാഷ് എന്നിവർ സംസാരിക്കും.
വൈകിട്ട് 6ന് പാണക്കാട് സയ്യിദ്
മുനവ്വറലി ശിഹാബ് തങ്ങൾ പ്ലാറ്റിനം ജൂബിലി ഉദ്ഘാടനം ചെയ്യും.
മഹാരാഷ്ട്ര നിയമസഭാ സ്പീക്കർ രാഹുൽ നർവേക്കർ മുഖ്യാഥിതിയാകും.
എം.പിമാരായ ഇ.ടി.മുഹമ്മദ് ബഷീർ, സുപ്രിയ സുലേ, അരവിന്ദ് സാവന്ദ്,എം.സി.സി.സി പ്രസിഡൻ്റ് നാന പാട്ടോളെ സംസാരിക്കും.
നാളെ രാവിലെ 10 മുതൽ വൈകിട്ട് അഞ്ച് വരെ ഖാച്ചി സുന്നി മുസ് ലിം ജമാഅത്ത് ഹാളിൽ
പൂർവ്വ കാല ജമാഅത്ത് പ്രവർത്തകരുടെ സംഗമം നടക്കും.
രാത്രി 7 ന് ഖവാലി.
11ന് സമാപന സമ്മേളനം
ഹജജ് ഹൗസിൽ പാണക്കാട് സയ്യിദ് സ്വാദിഖലി ശിഹാബ് തങ്ങൾ ഉദ്ഘാടനം ചെയ്യും.
പി.കെ.കുഞ്ഞാലി കുട്ടി എം.എൽ.എ മുഖ്യാഥിതിയാകും.
രാജ് മോഹൻ ഉണ്ണിത്താൻ എം.പി, ബിഷപ് ഗി വർഗീസ് മാർ കുറിലോസ്, സ്വാമി ബിക്കു സാമ്രാജ്, എം.എൽ.എമാരായ എ.കെ.എം അഷ്റഫ്, എൻ.എ നെല്ലിക്കുന്ന്,സി.എച്ച്.കുഞ്ഞമ്പു സംബന്ധിക്കും.
