കാസർകോട്.സ്കൂൾ വാൻ നിയന്ത്രണം വിട്ട് മറിഞ്ഞ് 12 വിദ്യാർഥികൾക്ക് പരുക്ക്.
മാന്യ കുഞ്ചാറിൽ ബുധനാഴ്ച രാവിലെ എട്ട് മണിയോടെയാണ് അപകടം. കോളിയടുക്കം അപ്സര ഇംഗ്ലീഷ് മീഡിയം സ്കൂളിന്റെ വാഹനമാണ് അപകടത്തിൽ പെട്ടത്.
രാവിലെ സ്കൂളിലേക്ക് കുട്ടികളുമായി പോകുന്നതിനിടെ വാനിന്റെ നിയന്ത്രണം നഷ്ടപ്പെട്ട് അപകടത്തിൽ പെടുകയായിരുന്നു.
റോഡരികിലെ മരത്തിൽ ഇടിച്ച് നിന്നതിനാൽ വൻ ദുരന്തം ഒഴിവായി.
വാനിന്റെ മുൻവശം പൂർണമായും തകർന്നു. പരുക്കേറ്റ കുട്ടികളെ കാസർകോട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ആരുടേയും പരുക്ക് ഗുരുതരമല്ല.
