തിരുവനന്തപുരം. ഇനി തോന്നും പോലെ ആന്റിബയോട്ടിക്കുകള് വാങ്ങി കഴിക്കാനാകില്ല,
ഡോക്ടർമാരുടെ കുറിപ്പടിയോട് കൂടി മാത്രമേ ആന്റി ബയോട്ടിക്കുകള് വിതരണം ചെയ്യാനാകൂ.
കുറിപ്പടി കൂടാതെ ആൻ്റി ബയോട്ടിക്കുകൾ നൽകുന്ന
ഇത്തരം മെഡിക്കല് സ്റ്റോറുകള്ക്കെതിരേ കര്ശന നടപടിയെടുക്കുമെന്ന് ആരോഗ്യമന്ത്രി വീണാ ജോര്ജ് അറിയിച്ചു.
നിര്ദേശം പാലിക്കാത്ത മെഡിക്കല് സ്റ്റോറുകളുടെ ലൈസന്സ് റദ്ദാക്കും. ഇത് പൊതുജനങ്ങളുടെ ശ്രദ്ധയില്പ്പെട്ടാല് അറിയിക്കാന് ടോള് ഫ്രീ നമ്പരും നല്കുമെന്നും ആരോഗ്യമന്ത്രി കൂട്ടിചേര്ത്തു.
സംസ്ഥാനത്ത് മരുന്ന് ക്ഷാമമുണ്ടെന്ന് പറയുന്ന പ്രചാരണങ്ങള് വ്യാജമാണ്. സര്ക്കാര് ആശുപത്രികളില് മരുന്നില്ലെന്ന പ്രചാരണം അടിസ്ഥാന രഹിതമാണെന്നും ആരോഗ്യമന്ത്രി വ്യക്തമാക്കി.
കാരുണ്യയില് മരുന്ന് ലഭിക്കുന്നില്ലെങ്കില് പ്രതിസന്ധി ഉടന് പരിഹരിക്കും. ഇതില് കേന്ദ്രവിഹിതം 60 ശതമാനമാണെന്നും കേന്ദ്രം അത് നല്കുന്നില്ല. കേരളത്തിന് 826 കോടിയോളം രൂപ കേന്ദ്രവിഹിതമായി കിട്ടാനുണ്ട്.കോബ്രാന്ഡിങ് പ്രശ്നം ഉന്നയിച്ചാണ് കേന്ദ്രം ഫണ്ട് നല്കാത്തതെന്നും മന്ത്രി കൂട്ടിച്ചേര്ത്തു.
