ടെണ്ടർ നടപടികൾ പൂർത്തീകരിച്ച് പ്രവൃത്തി ഉടൻ ആരംഭിക്കുമെന്ന് എ.കെ.എം അഷ്റഫ് എം.എൽ.എ
ഉപ്പള. മഞ്ചേശ്വരം മണ്ഡലത്തിലെ എല്ലാ പഞ്ചായത്തിലും ഒരു മികച്ച സ്റ്റേഡിയം യാഥാർഥ്യമാക്കുക എന്ന ലക്ഷ്യത്തിൻ്റെ ഭാഗമായി
വോർക്കാടി പഞ്ചായത്ത് സ്റ്റേഡിയം നവീകരിക്കുന്നു.
2023- 2024 വർഷത്തെ സംസ്ഥാന ബജറ്റിൽ ഉൾപ്പെട്ട വോർക്കാടി പഞ്ചായത്ത് സ്റ്റേഡിയത്തിന്റെ വികസനത്തിന് ഒരു കേടി രൂപ യുടെ ഭരണാനുമതി ലഭിച്ചതായി എ.കെ.എം അഷ്റഫ് എം.എൽ. എ അറിയിച്ചു.
വോർക്കടി ധർമ്മനഗറിലെ പഞ്ചായത്ത് സ്റ്റേഡിയത്തിൽ മതിയായ അടിസ്ഥാന ഭൗതിക സൗകര്യങ്ങൾ ഇല്ലാത്തതിനാലും, ഗ്രാമീണ മേഖലയിൽ മികച്ച കളിസ്ഥലങ്ങൾ ഒരുക്കുന്നതിനുമാണ് ഈ സ്റ്റേഡിയം ബജറ്റിൽ ഉൾപ്പെടുത്താൻ എ.കെ.എം അഷ്റഫ് എം.എൽ.എ പ്രൊപ്പോസൽ നൽകിയത്. സ്റ്റേഡിയം വികസന പദ്ധതിയിൽ മൈതാന വികസനം ,ഗാലറി, വേദി, ശുചിത്വ സമുച്ചയം , ഓഫീസ് സൗകര്യം , സംരക്ഷണ ഭിത്തി, ചുറ്റുമതിൽ , പ്രവേശന കവാടം , കുഴൽകിണർ , സ്പോർട്സ് ഉപകരണങ്ങൾ വാങ്ങൽ , വൈദ്യുതീകരണം , ഫ്ലഡ് ലൈറ്റ്, എന്നീ സൗകര്യങ്ങളാണ് ഒരുക്കുന്നത്.
സാങ്കേതികാനുമതി ലഭ്യമാക്കി ടെണ്ടർ നടപടികൾ പൂർത്തീകരിച്ച് പ്രവൃത്തി തുടങ്ങുന്നതിന് ബന്ധപ്പെട്ട ഉദ്യോഗസ്ഥർക്ക് നിർദേശം നൽകിയതായി എ.കെ.എം അഷ്റഫ് എം.എൽ.എ
അറിയിച്ചു.
