കൊല്ലം.സംസ്ഥാന സ്കൂള് കലോത്സവത്തിന് തിരിതെളിഞ്ഞു.
കൊല്ലം ആശ്രമം മൈതാനിയിൽ
മുഖ്യന്ത്രി പിണറായി വിജയന് ഉദ്ഘാടനം ചെയ്തു. കലോത്സവം കുട്ടികളുടേതാണെന്നും രക്ഷിതാക്കള് തമ്മില് മത്സരിക്കരുതെന്നും ഉദ്ഘാടന പ്രസംഗത്തില് മുഖ്യമന്ത്രി പറഞ്ഞു.
കലാവാസനയുള്ള കുട്ടികള്ക്ക് സാംസ്കാരിക പരിസ്ഥിതി സൃഷ്ടിക്കണം. കലപ്രവര്ത്തനം തുടരാന് സാമ്പത്തികമായി പിന്നോട്ടു നില്ക്കുന്നവരെ മുന്നോട്ട് വരാനായി പ്രോത്സാഹിപ്പിക്കണമെന്നും മുഖ്യമന്ത്രി പറഞ്ഞു.
നടിയും നർത്തകിയുമായ ആശാ ശരത്തിന്റെ നേതൃത്വത്തിൽ സ്വാഗത ഗാനത്തിന്റെ ദൃശ്യാവിഷ്കാരം നടന്നതിന് പിന്നാലെയാണ് കലോത്സവത്തിന് തിരിതെളിയിച്ചത്. പ്രിൻസിപ്പൽ സെക്രട്ടറി റാണി ജോർജ്ജ് ഐഎഎസ് ചടങ്ങിന് സ്വാഗതമർപ്പിച്ചു. വിദ്യാഭ്യാസമന്ത്രി വി.ശിവൻകുട്ടി അധ്യക്ഷനായി.
59 ഇനങ്ങളിലാണ് ആദ്യദിനം മത്സരങ്ങൾ നടക്കുന്നത്. മോഹിനിയാട്ടമാണ് ആദ്യത്തെ മത്സരയിനം. പതിനാലായിരത്തോളം മത്സരാർഥികൾ അഞ്ചുദിവസങ്ങളിലായി വിവിധ വേദികളിൽ മാറ്റുരയ്ക്കും
