ബജ്പെ(മംഗളൂരു).ഒരു ഇടവേളക്ക് ശേഷം മംഗളൂരു വിമാനത്താവളത്തിൽ വൻ സ്വർണ വേട്ട.
മലദ്വാരത്തിൽ ഒളിപ്പിച്ച് കടത്താൻ ശ്രമിച്ച 98,68,750 രൂപ വിലമതിക്കുന്ന 1579 ഗ്രാം സ്വർണവുമായി ഒരാൾ പിടിയിൽ.
തിങ്കളാഴ്ച വൈകിട്ടോടെ അബുദാബിയിൽ നിന്നും എത്തിയ എയർ ഇന്ത്യ എക്സ്പ്രസ് വിമാനത്തിലെ യാത്രക്കാരനിൽ നിന്നാണ് സ്വർണം പിടികൂടിയത്.
സംശയം തോന്നിയ കസ്റ്റംസ് ഉദ്യോഗസ്ഥർ നടത്തിയ
ദേഹ പരിശോധനയിലാണ് സ്വർണം മലദ്വാരത്തിൽ ഒളിപ്പിച്ച നിലയിൽ കണ്ടെത്തിയത്.
ചോദ്യം ചെയ്യലിന് ശേഷം കൂടുതൽ വിവരങ്ങൾ പുറത്ത് വിടുമെന്ന് കസ്റ്റംസ് അറിയിച്ചു.
5 ഓവൽ ആകൃതിയിലുളള സ്വർണമാണ് എക്സറെ പരിശോധനയിൽ മലാശയത്തിൽ നിന്നും കണ്ടെത്തിയത്. അറസ്റ്റ് രേഖപ്പെടുത്തിയ ഇയാളെ കോടതിയിൽ ഹാജറാക്കി.
