കുമ്പള.രാജസ്ഥാന് സ്വദേശിയുടെ ടെമ്പോയും മൊബൈല് ഫോണും തട്ടിയെടുത്ത കേസിലെ പ്രതിയെ കുമ്പള പൊലിസ് വിമാനത്താവളത്തില് വെച്ച് അറസ്റ്റ് ചെയ്തു. പൈവളിഗെ അബ്ദുല് റഹിമാന് (40) ആണ് അറസ്റ്റിലായത്. സംഘത്തിലെ രണ്ട് പേരെ നേരത്തെ അറസ്റ്റ് ചെയ്തിരുന്നു. ഗള്ഫില് കഴിയുന്ന ഒരാളെ പിടികൂടാനുണ്ട്. രാജസ്ഥാന് സ്വദേശി കൈറാമിന്റെ പരാതിയിലാണ് കേസ്. ഒരു വര്ഷം മുമ്പ് അബ്ദുല് റഹിമാനും മറ്റു മൂന്നുപേരും രാജസ്ഥാനിലേക്ക് ആടുകളെ വാങ്ങാന് പണവുമായി പോയിരുന്നു. അവിടെ വെച്ച് കൈറാമും സംഘവും അബ്ദുല് റഹിമാനെയും സംഘത്തെയും അക്രമിച്ച് പണം തട്ടിയെടുത്തിരുന്നുവത്രെ.
ഗള്ഫിലേക്ക് കടന്ന അബ്ദുല്റഹ്മാനെതിരെ ലുക്ക് ഔട്ട് നോട്ടീസ് പുറപ്പെടുവിച്ചിരുന്നു.വെള്ളിയാഴ്ച നെടുമ്പാശ്ശേരി വിമാനത്താവളത്തില് എത്തിയ അബ്ദുല് റഹ്മാനെ അധികൃതര് തടഞ്ഞ് വെച്ച് പൊലിസില് വിവരം അറിയിക്കുകയായിരുന്നു.
