കോഴിക്കോട്. വടകര അഴിയൂരിൽ അടച്ചിട്ട കടമുറിയിൽ നിന്ന് തലയോട്ടിയും ശരീര ഭാഗങ്ങളും കണ്ടെത്തി.
അഴിയൂർ പഞ്ചായത്തിലെ കുഞ്ഞിപ്പള്ളിയിൽ ദേശീയപാതയ്ക്കു വേണ്ടി അക്വയർ ചെയ്ത ഒഴിച്ചിട്ട കടയ്ക്കുള്ളിൽ നിന്നാണ് തലയോട്ടി കണ്ടെത്തിയത്. വെള്ളിയാഴ്ച രാവിലെ കടയുടെ ഷട്ടർ ഉൾപ്പെടെ പൊളിച്ചു മാറ്റുന്നതിനായി എത്തിയ തൊഴിലാളികളാണ് കടയ്ക്കുള്ളിൽ പ്ലാസ്റ്റിക്കുകൾ കൂട്ടിയിട്ട ഭാഗത്ത് തലയോട്ടിയും കൈയുടെ ഭാഗങ്ങളും കണ്ടെത്തിയത്.
ഒരു വർഷത്തിനു മുകളിലായി അടച്ചിട്ട കടയാണിത്. വിവരം അറിഞ്ഞ് ചോമ്പാല പൊലിസ് സ്ഥലത്തെത്തി. ഒരു വർഷം മുൻപ് വരെ ഇവിടെ ചായക്കട പ്രവർത്തിച്ചിരുന്നു.
ഫോറൻസിക് വിദഗ്ധരും പൊലിസും സ്ഥലത്തെത്തി പരിശോധന നടത്തി വരികയാണ്. കൂടുതൽ വിവരങ്ങൾ ലഭ്യമാകുന്നതേയുള്ളൂ.
