കുമ്പള.സമൂഹത്തിൽ ദുരിതമനുഭവിക്കുന്ന ജനവിഭാഗങ്ങളെ കണ്ടെത്തി ജാതി മത വ്യത്യാസമില്ലാതെ അവർക്ക് തണലാകുന്ന പ്രവർത്തനം നടത്തി സമൂഹത്തിൽ മാതൃകയാണെന്ന് കെ.എസ് ആറ്റ ക്കോയ തങ്ങൾ കുമ്പോൽ അഭിപ്രായപ്പെട്ടു.
ദുബൈ മലബാർ കലാ സംസ് കാരിക വേദി, റമദാനിൽ ചെർക്കളം അബ്ദുല്ലയുടെ നാമധേയത്തിൽ സംഘടിപ്പിക്കുന്ന "ചെർക്കളം അബ്ദുല്ല തുളു നാടിന്റെ ഇതിഹാസ പുരുഷൻ റമദാൻ റിലീഫ് 2024" ബ്രൗഷർ എ.കെ.എം അഷ്റഫ് എം.എൽ.എക്ക് നൽകി പ്രകാശനം ചെയ്തു സംസാരിക്കുകയായിരുന്നു തങ്ങൾ.
നാട്ടിലും മറുനാട്ടിലുമായി വർഷങ്ങളായി ഈ സംഘടന ചെയ്തു കൊണ്ടിരിക്കുന്ന പ്രവർത്തനങ്ങൾ പുതു തലമുറകൾ മാതൃകയാക്കണമെന്നും തങ്ങൾ കുട്ടി ച്ചേർത്തു.
കുമ്പോൽ പാപം കോയ മഹലിൽ നടന്ന ചടങ്ങിൽ എ. കെ ആരിഫ് അധ്യക്ഷനായി. കാസർകോട് ബ്ലോക്ക് പഞ്ചായത്ത് സ്ഥിരം സമിതി അധ്യക്ഷക്ഷനും ദുബൈ മലബാർ കലാ സാംസ്കാരിക വേദി ജനറൽ കൺവീനറുമായ അഷ്റഫ് കർള സ്വാഗതം പറഞ്ഞു.
സാമൂഹിക സാംസ്കാരിക മേഖലകളിൽ നിന്നും എം.ബി യുസഫ്, അസീസ് മരിക്കെ, ഗഫൂർ എരിയാൽ, അബ്ദുല്ല മാദേരി, ബി എൻ മുഹമ്മദ്അലി, റഹ്മാൻ ആരിക്കാടി, മുഹമ്മദ്കുഞ്ഞി കുമ്പോൽ, നൂർ ജമാൽ, അബ്ദുല്ല ബന്നംഗുളം, അബ്ബാസ് മടിക്കേരി, ഹമീദ് ഓൾഡ് റോഡ്, റസാക്ക് പടിഞ്ഞാർ, ഹുസൈൻ ഉളുവാർ തുടങ്ങിയവർ സംസാരിച്ചു.
