കുമ്പള.കാടും,മാലിന്യങ്ങളാലും മൂടപ്പെട്ടകിടന്ന കുമ്പള കോയിപ്പാടി തീരദേശ റോഡിന് സമീപത്തെ മുജിമുടി തോടിൽ തണ്ണീർത്തട സംരക്ഷണത്തിനായി 2022-23 വാർഷിക പദ്ധതിയിൽ ഉൾപ്പെടുത്തി പഞ്ചായത്ത് 8 ലക്ഷം രൂപ ചിലവിൽ ശുചീകരിക്കുന്ന പദ്ധതിക്ക് തുടക്കമായി.
ഏകദേശം 800 മീറ്റർ നീളത്തിലുള്ള തണ്ണീർത്തട സംരക്ഷണ പദ്ധതിയിൽ തോടിലെ മാലിന്യങ്ങളും,കാടും നീക്കം ചെയ്ത് നീരൊഴുക്ക് സംരക്ഷിച്ചു നിർത്തുകയാണ് പദ്ധതിയുടെ ലക്ഷ്യം. കുമ്പള പുഴയുമായി ബന്ധപ്പെട്ട് കിടക്കുന്നതും, കാലങ്ങളായി വെള്ളം കെട്ടിനിൽക്കുന്നതും, ചതുപ്പ് നിലവുമായതാണ് കോയിപ്പാടി മുജിമുടി തോട്. പ്രകൃതിദത്തമായ തണ്ണീർത്തടം ആയതുകൊണ്ട് തന്നെ ജൈവവൈവിധ്യവും, പാരിസ്ഥിതിക ആരോഗ്യവും നിലനിർത്താനും മെച്ചപ്പെടുത്താനും ഈ പദ്ധതി സഹായകമാവും. പ്രദേശവാസികൾ കാലങ്ങളായി ആവശ്യപ്പെട്ട് വരുന്നതാണ് പ്രസ്തുത തണ്ണീർത്തട സംരക്ഷണ പദ്ധതി.
മുജമുടി തോടിൽ മഴക്കാലത്ത് മാത്രമല്ല വേനൽക്കാലത്തും നീരൊഴുക്കുള്ളതായി പ്രദേശവാസികൾ പറയുന്നു.അതുകൊണ്ട് തന്നെയാണ് തണ്ണീർത്തട സംരക്ഷണത്തിന് കുമ്പള ഗ്രാമപഞ്ചായത്ത് പദ്ധതി ആവിഷ്കരിച്ച് നടപ്പിലാക്കുന്നത്.
വാർഡ് മെമ്പറും, കുമ്പള പഞ്ചായത്ത് വികസന കാര്യ സ്ഥിരം സമിതി അധ്യക്ഷയുമാ സബൂറ പ്രത്യേക താൽപ്പര്യമെ ടുത്താണ് പദ്ധതിക്ക് ഫണ്ട് ലഭ്യമാക്കിയത്.2001മുതൽ തന്നെ ഇതിനായുള്ള ശ്രമങ്ങൾ ആരംഭിച്ചിരുന്നു.
